Friday, January 22, 2010

Mga munting Pangarap ni Maki (Cartoon?)

Characters:

Maki – ako, na walang kahilig hilig sa mga classic songs ni Pavaroti at Andrea Boccelli kaya gagawin ko n lang syang karakter. Maiba lang.
Aries – singer lang sya na produkto ng isang contest.
Gaby – Room mate at classmate ni Maki na super hilig naman kay Aries
Louie – dakilang alalay at friendship ni Aries
Jake – 1st runner up ni Aries sa singing contest

1st Setting:
In front of PC, Maki is busy searching for free downloadable songs of Andrea Bocelli. She seemed to have found one so she tried browsing the site. The site asked her to fill out a form. Since super desperate ang lola mo, fill up naman sya. Ito ay tungkol sa personal nyang buhay kung saan sya nakatira, pangalan at phone number. Matapos ang isa ay meron pang sumunod na page ng form, dito nya isinulat ang nakalulungkot na katotohanang single pa sya at dahil dun, puro N/A na ang isinagot nya sa pahinang yun tutal wala naman syang asawa’t anak. Meron pang sumunod, at meron na naman. Hanggang sa may napansin syang isang buton na nagsasabing “Your one click away girl”. At walang patumpik tumpik na pinindot ni Maki ang nasabing button na wari ko’y napasigaw pa sya ng “Give me an A!!”
Makalipas ang ilang sandali…

Maki: (disappointed) Lintek naman o!
(Lintik talaga! Walang ano ano’y namatay ang PC ko ng isinusulat ko ang salitang lintek! Bute may recovery feature ang Word. Whew! Back to the story…)

JANJARARAAAN!!!!
“Please type in your credit card number here… “ Tapos may kahon na kulay asul sa tabi na numero lang ang tinatanggap (totoo, kasi sinubukan nyang mag type ng mga katagang “At sino naming shongak ang magfifill-up ng address at pangalan kung magddownload lang ng kanta..”)

Gabi: Ahahaha!! Mahusay.. ikaw lang nagttyaga sa gurang na yan e.
Maki: Chura mo! Paris mo naman ako sayo no.
Gabi: O Bakit ano ako? At least yung nireresearch ko nasa uso, nasa edad ko, ang cute cute pa nung artist. Hindi katulad nung sayo. Wag mong sabihing titilian mo yan pag pumunta dito?! Chupi k na nga!

Si Aries, ang prince charming natin ang tinutukoy nya. Super sikat na Pinoy singer na kulang na lang ay magkaroon ng Aries Invasion album (epidemia? ), dahil kilala sa buong bansa. Kung hindi ako nagkakamali he’s only 25 years old na produkto ng singing contest. Minsan na syang nagkaron ng sold-out concert kasama ang ilang sikat na singers. Nagsisimula na ring dumami ang endorsements kaya halos lahat ng tao e nakakakilala sa kanya. It’s in the news na magkakaroon sya ng one night solo concert next Friday.

Aries: Who can imagine na sisikat ako ng ganito? Ni hindi ako makapasok ng elimination sa singing contest dati tapos ngaun halos walang hindi nakakakilala sa kin.
Louie: Yabang ah! Since this is the first time that you’re going to have a solo concert, hindi natin alam kung ano pwedeng mangyari. May nabasa ako sa isang thread na hindi ka gaanong mabenta album mo sa ilang area sa Metro Manila kaya wag ka paka-siguro no.
Aries: Isang area lang pala e…Ah san ba yun pre?
Louie: Tsss… kunwari ka pang di affected dyan don’t worry baka poor publicity lang yan. At chaka teritoryo ni Jake yun e kaya ganun. Marami din kasi nagsasabing ikaw yung 1st runner up at sya yung winner. Oy pre, chismis lang yun no. wag iiyak ha?
Aries: Ulul!

Sa school: Nga pala, 4th year college na ang bida natin!
Pakanta-kantang binabaybay ni Maki ang classroom nya na pang alas 9 ng umaga. Actually, may isang kanta lang sa iPhone ni Maki (sosyal! iphone?) na halos bridge na lang ay makakabisa na rin nga mga klasmeyt nya. Walang kamatayang Time to Say GoodBye na mukang ilalaban nya ng sapakan sa holdaper hindi dahil sa iphone kundi dahil halos dumugo ang ilong nya sa walang habas na pageenglish sa chatrums para lang mahingi ang nasabing kanta. Hmmmm… (lipad isip lipad!)
Maki (nakahandusay at duguan): Ahuhuhu! …time to say goodbye…hmm…hmm..porke liempo porke..

Si Maki… bow! Ayus naman sya. May utak din kung susuriing mabuti. Frustrated singer, chef, stewardess at maniniwala ba kayo… CASHIER! Pero sa tingin ko hindi lang sya nagiisa. Recently, (naks recently!) dahil ugali kong pumunta sa toy kingdom sa hindi maipaliwanag na kadahilanan, ay nakita kong puro mini cashier cashieran ang naka display. Grabe halos maiyak ako nung nakita ko sila promise. Pero hindi tungkol sa akin ang kwento kaya naman…

Likas sa ating mga mag-aaral, naging mag-aaral at nabagsak sa pag-aaral na hindi pagtuunan ng pansin ang Values Education. Dahil puro drawing, kantahan at sayawan lang ang dulot nito na ikababawas ng oras natin sa paglalaro ng War Craft dahil sa walang pakundangan praktis na animo’y susi sa kalangitan pag nakapasa ka.

Titser: Since you failed to pass your journal, I would like you to have a presentation that will represent who you are. You can form a group and highlight those common traits that you have and show it to the class. It depends on you on how are you going to show it. You also have a choice whether to present it alone.

Syempre sino ba naming hunghang ang magpapakabayani na magppresent ng mag-isa hane? Kaya’t nagkumpulan na ang mga may common friends. Syempre dahil regular student ang bida natin, dun sya sa mga kapwa nya henyo. Isa isang nag bigay ng suhestiyon ang mga myembro pero pagdating kay Maki..

Classmate 1: Hep Hep! Wag mo ng balakin! Utang na loob! (Ang hindi maka-gets magkakapigsa sa kili-kile!)
Maki: Ito naman o.. intro lang… group naman tayo e

Kahit naman siguro ako ang tanungin noh. Hindi talaga ko papayag sa gusto nya. Ayoko ngang kumanta ng lenggwaheng kelangan pa yatang imbitahan si Imaw para lang malaman ang ibig sabihin. Pero dahil mapilit sya. Binigyan sya ng solo performance ng group nya tutal individual grade naman yun.

Groupmates: “Bwahahaha!! Magdusa ka!”(Joke)
Hayun, dahil nag dunung dunungan, naiwan mag-isa. Don’t worry, friends pa rin sila.

Since excited sa kauna-unahang performance ang frustrated singer na itech, umuwi agad ang gaga at naghanap ng minus one ng Time to Say Goodbye. Well, siguro naman nakwento ko na ang mga pangyayari makuha lang nya yung kantang yun e what more pa yung minus one. Karir ito! “.. And the winner for ‘Search for the best Searchee’ is.. Maki Piña!”

Two days to go before the presentation pero performance level pa rin si Maki sa paghahanap. Sa mga una nyang pinuntahang record bars, she asks first if may available bang cd si Andrea Bocceli pero sa huli ay sya na rin mismo ang naghahanap dahil walang nakakakilala dito. Minsan winiwish talaga nya na walang nakakakilala kasi naman heller! Sino bang hindi matatawa na sa edad nyang yun e pang amoy-lupa na hilig nya. Pero minsan din, sa maniwala kayo’t sa hindi, aba akalain mong pinapalad syang makakita yun nga lang ... Ahahaha! Malas! Wala namang minus one feature.

It’s Wednesday night and Friday na ang presentation.

Isang record bar na lang ang hindi napupuntahan ni Maki sa lugar nila. Wish nya lang, nandun yung hinahanap nya.

“…nd 19. 19 cds wr sold 4 1 hr. “, yan ang text message ni Aries to Louie. Si Louie na kulang na lang ay manawagan sa ‘Sana’y Muling Makapiling’ ni Jessica Soho dahil sa nawawalang pasaway na kaibigan.

“Nak nmn ng MALIGNO pre! Wla nmng gnynan.. sang lupalop b ng metro manila ka sumuot?” ang reply ni Louie.

Obviously, Aries’s a bad loser. Well, winner sya gaya nga ng sabi ko kanina pero, he can’t accept the fact na meron talagang kill joy sa mundo na hindi natutuwa kahit kumain ka pa ng apoy sa harap nila. Aniway, ang sinasabi ko lang, hindi nya matanggap na may nagdududa sa kanya kuno. Na inimbento lang ni Louie para mabawasan ang kahanginan. Actually, he will receive a platinum award sa araw ng concert nya. Dahil surprise to, hindi masabi ni Louie ang the truth.

Siguro naman alam nyo kung nasan si Aries sa mga oras na yun. He’s wearing a shades na animo’y mata ng bumblebee with matching black leather jacket and obvious naman na fake bigote. Bahala na kayo kung ano ang naiimagin nyong suot nya basta naka-disguise. Since wala gaanong pumupunta sa classical section, dun sya pumwesto.He can’t believe na in matter of 1 hour ay nakabenta na agad ng 19 na cds nya. Naka-ready na ang text message nya na “.. and 20, 20 cds in 1 hr and 3 mins” para sana kay Louie dahil may paparating na naman na teen na usually age bracket ng fans nya. Dun sya nagkakamali.

“Miss do you have a copy of Andrea Bocceli’s album?” (don’t tell me kelangan pa ng guessing game kung sino sya)

Halos matanggal na ang pekeng bigote sa kinalalagyan dahil sa katatawa ni Aries sa sulok ng marinig ang gustong cd ni Maki.

Sales Lady: Ano po yun ulit? Sino yun?
Maki: Andrea Bocceli po? Yun pong bulag na parang Pavarotti ang boses. Yung may kanta ng ‘Time to say goodbye …hmm...hmm..’. (at kinanta na po nya)
Sales Lady: (Saglit na natawa) Ma’am baka matagal na pong out-of-stock. Matagal na kasi yung mga ganung klaseng kanta. Puro yung sikat lang ang nandito.
Maki: Ah di bale na lang.. Sige ako na lang po maghahanap (What’s new)

‘Time to say goodbye..hmm..hmm…’ at kumanta sya ulit habang binabagtas ang maliit na daan papunta sa classical section.

At dahil papunta si Maki sa kinalalagyan ni Aries, dali dali itong nagkunwari na customer. Wala namang mag-aakala na may papatol na teen-ager sa classical section sa mga oras na yun. Super kabado na ang lolo nyo. Dumampot lang si Aries ng isang cd malapit sa kanya at kunwaring tinitingnan ang mga tracks sa likod habang nagmamasid kung makikilala sya ng katabi. Walang ano ano’y may narinig syang tinig at bigla na lang syang naging anemic.

Maki: Ay mahilig ka din kay Andrea? Parang yan ata yung may minus one na super tagal ko ng hinahanap. San mo nakita yan? Alam mo, meron kasi akong presentation at kailangan…

Napansin ni Maki na parang pinagpapawisan ang lalaki at tila lumalayo sa kanya. Nagsisimula na syang magduda.

Maki: Ok lang hu ba kayo?

Aries: Oo… ok lang. Eto na o, hindi ako mahilig sa kanya. Sa’yo na yan.

Inilapag nya sa shelf ang cd chaka itinulak papunta kay Maki. Eksakto namang natanggal ang bigote nya. Nag-aalangan man pero dinampot ni Maki ang CD.

Maki: Ah.. Ma..nong..(napansin nyang ikinakabit ni Aries ang maluwag na bigote).. salamat…

Ngayon si Maki naman ang lumalayo sa kanya sa pag-aakalang magshshop-lift ito. Napansin ito ni Aries at dali daling tinakpan ang bibig ni Maki dahil sa pag-aakalang nalaman na nito na sya si Aries at baka magkagulo ang fans pag nag-ingay sya. Syempre nag-panic ang shoshongak shongak na Maki kaya nagwala sya. Nang magkaroon ng pagkakataong makawala sa bisig ni Aries, napapikit na lang si Aries habang nakahawak sa noo at sa bigoteng natatanggal. Patalikod na lumalayo si Maki habang papunta sa pintuan ng record bar. Nagtataka si Aries sa reaksyon ni Maki. Kung sikat sya, hindi sya dapat katakutan diba. Naku kung ako talaga yun kiniss ko na sya tapos pipicturan ko sya. Basta lahat ng kalukahan gagawin ko. Dahil sa ka-weirduhan ni Maki, susubukan sana ni Aries na lapitan sya pero huli na ang lahat.

Maki: Magnanakaaaaawww!!! (blah blah blah is the generic name of Bactidol)

Nang biglang tumunog ang alarm ng record bar. Pati si Maki naloka sa alarm, super bilis. Nakita nyang may papalapit na 2 security guard. Nakangiti na animo’y nagyayabang sana nyang ituturo si Aries ngunit

Pulis 1: Miss, sumama ka sa opisina namin

Ngayon lang napansin ni Maki na hawak hawak nya ang CD ni Bocceli.

Maki: Pero nandun po yung magnanakaw. Hindi po ako, ayun sya o. Nakita ko natatanggal yung bigote nya. (habang itinuturo ang dedmang si Aries na parang hindi sya kasali)

Habang papalayo sa record bar. Napansin ng mga tao si Aries dahil tuluyan ng natanggal ang bigote. Nakatawag din ng pansin ang pagkakaturo sa kanya ni Maki kaya naman pinagkaguluhan sya ng mga tao sa mall. Nakilala din sya nung isang gwardiya kaya binalak niya itong isama sa opisina nila para maiwas sa kaguluhan.

Sa opisina, patuloy pa rin sa pagtanggi si Maki.

Maki: Bakit ko naman gagawin yun? Natakot lang ho talaga ako sa mama kaya hindi ko na napansin na may hawak pala ako.

Pulis 1: Imposible yang sinasabi mo. Luma na yan e.

Maki: Manong, kung magnanakaw rin lang ako, bakit yang amoy lupang cd pa. Isipin nyo nga.

Ilang minuto pa ang nakalipas at biglang may narinig silang kaguluhan sa labas. Bumukas ang pinto at bumungad si Aries at ang 3 pang mga gwardiya. Nakilala agad ni Maki ang lalaki at super confident nyang sinabing

Maki: Yan po o. Siya yung lalaki kanina. (Papalapit nyang sinabi kay Aries) Hoy lalaki! Nasan yung fake mong bigote ha?! Kala mo makakatakas ka? Naku mamang pulis, o yan nahuli nyo na sya. Siguro naman pwede na kong umalis?

Lahat ng tao sa opisina ay na shock. Talagang Shocking sya diba? Imagine..

Pulis 1: Miss, hindi mo siya kilala?

Maki: Hindi noh! Oy manong wala akong kinalaman sa kanya. Hindi ako kasabwat. IChura kong to!

Hindi na nila napigilang tumawa except for Aries. Hindi rin sya makapaniwalang meron pang hindi nakakakilala sa kanya.

Pulis 1: Hindi ko alam kung maniniwala ba ko o matatawa ako sa yo e. Si Aries hindi mo kilala?

Maki: Aries? Sino yun? (Napa-isip at nakaalala rin sa wakas) Ahhh… parang may narinig na kong ganun. Dun ba yun sa ‘My name is Aries’? (with matching re-enactment sa head and shoulder commercial).

Aries: Ah Ako nga yun miss. (tinanggal nya yung shades nya kaya nakita ang kagwapuhan. Bongga!)

Maki to Aries: (medyo napapahiya) Ehehe! Ikaw nga sya..

Sandali pa’y pumasok na sina Louie para kunin si Aries. Habang busy silang paalisin ang tao sa labas para makadaan si Aries, si Maki naman ay nakikiusap na paalisin na sya.

Maki: Manong! Nakita nyo nga yan (patukoy sa CD), pang gurang ang gusto ko kaya hindi imposibleng hindi sya makilala. Sige na naman o.

Aries: Sige na manong. Hindi nya sinasadya, sigurado ako dun. Natakot lang sya kasi tinakpan ko yung bibig nya. Akala ko kasi sisigaw e.

Maki: O tamo! Sige na po ha? Siya talaga yung may kasalanan e. Inamin na nya o.

Muli na naman nagulat si Aries sa sinabi ni Maki. Hindi na nga nagpasalamat, idiniin pa sya.

Pulis 1: O sya sige na. Uwe!

Maki: Ah eh.. yung CD po sana. Bibilhin ko na lang. Ang tagal kong hinanap yan e.. Kelangan ko sana sa Friday. Akin na…

Habang nakalahad ang kamay ni Maki..

Pulis 1: Miss baka gusto mong hulihin talaga kita. Isusurender ko to sa record bar kaya hindi mo pwedeng kunin. Isa pa, ibidensya to na kinuha mo..

Maki: Manong naman e. Kaya nga po, bibilhin ko na dun sa kanila kung ayaw nyong sa inyo ko bilhin.

Pulis 1: Talagang makulit ka rin ano.. (tatangkain syang hulihin)

Maki: Hindi manong sige sa inyo na yan. Sino nga bang magkaka-interest dyan e kahit ata lolo ko hindi yan magugustuhan e noh… o sige manong ha… uwi na po ako. Thank you..

Umalis ng hindi man lang lumilingon si Maki kay Aries na waring wala talagang interest sa cute na singer. Syempre dahil super dami ng tao sa labas, nahirapang makalabas si Maki pero naka-survive naman sya.


Sa dorm:
Nagmumukmok na nakahiga si Maki sa kama nya ng nakadapa. Syempre napansin ni Gaby.

Gaby: Oy, ano nanaman ang nginunguynguy mo dyan?
Maki: Ahuuhu.. Gaby malapit na e. Kung di lang dahil sa kumag na yun e
Gaby: Ang ano?
Maki: Yung CD ni Andrea Bocceli na may minus one. Nakakainis!
Gaby: Bakit? Wag mong sabihing may nakipag-agawan sa yo sa CDng yun naku hahanapin ko talaga yung taong yun at chaka ko sasabitan ng sampaguita dahil sa wakas ay may ka-uri ka na.
Maki: Hindi! Ano ka ba! Yung nasa commercial na ‘My name is Aries’ (with re-enactment) kasi akala ko magnanakaw. Nandun kasi sya sa record bar e. Tapos may pekeng bigote pa. Tinakpan nya bigla yung bibig ko kaya nagpanic ako talaga girl. Ikaw ba naman ang ganunin diba. (Napansin ni maki ang naka-ngangang si Gaby). Oy! Nakikinig ka ba?
Gaby: Ang ibig mong sabihin ikaw yung babae sa news kanina?
Maki: Ha? News? Kelan? Saan?
Gaby: Ahuhuhu!! Girl ikaw yun buti ka pa nakita mo sya at hinawakan ka pa nya. Ang daya mo
Maki: Ay nku pwede ba. Asan yung news? Hala lagot ako sa nanay ko nyan. Gumwa ako ng eskandalo sa lahi namin…
Gaby: Gaga! Eskandalo ka dyan! Lika dali, kalat na yung blind item na yun sa news e.

Binuksan nila ang PC ang chineck sa website at confirmed. “Young Singer, Shop-lifter ba kamo?”

Gaby: Marami nagsasabing si Aries nga yun kasi marami nakakita sa kanya. Pero wala din naman makapag sabi kasi nga bigla daw umalis yung babae. At ikaw nga yun malamang. Hala Girl, ikaw ang dahilan kung bakit sila nagkakagulo ngayon.

Maki: E di tanungin nila yung pulis. Problema na nila yan no. Yung CD ang kailangan ko e. (Actually, concern din sya, mabait naman yung bida natin e, may konsensya din)
Naisip sana ni Maki na tumawag sa SET para iklaro ang pangalan ni Aries sa media pero nung kinagabihan na, na-interview ng mga reporter yung mga pulis kaya nabuo na ang kwento.

Thursday morning kalat sa buong Pilipinas ang balitang yun. Pati mga classmate nya pinagkakaguluhan ang wala namang katuturang balita. Napadaan ang mag best friend sa umpukan.

Chismosa1: Ano ba yun, meron pa bang hindi nakakakilala sa kanya?
Chismosa2: Malamang palusot lang yun no.
Gaby: Well sa kaso nga nun, meron pa rin. Naku kung ako yun, ibblack mail ko pa sya. Pag di nya ko dinate, sisigaw ako. Ahahaha!!!
Maki: Tss.. tumigil ka na nga.

After class:
Maki: Gabs, may pupuntahan lang ako ha
Gaby: San? Sama ako.. May swerte kang dala e baka makita ko din si Aries
Maki: Babalikan ko yung CD e. Baka naka-display na ulit. Tara!

Patagong sinisilip silip ni Maki ang record bar. Baka may nakakakilala sa kanya kaya maingat sya.
Maki: Gabi pwede k bang pumasok dun? Sige na naman, hindi ako pwede e. Baka magkagulo.

Pumayag naman si Gaby. Pero hindi na nya tinanong sa sales lady kung nasan dahil baka lalo lang sila maghinala. Habang Busy siya sa paghahanap..

May bigla na lang sumulpot sa likod ni Maki pero hindi na sya nakapalag at nadampot na sya nito. Dinala sya sa isang mamahaling restaurant. Kaya alangan ang damit nya dahil naka-uniform pa siya. Iniwan siyang mag-isa ng mama kaya hindi na siya nagdalawang isip na umalis. Pagdating niya sa pintuan nakita nya ang isang pamilyar na lalaki, si Aries. Naka- coat and tie pa.

Aries: Miss, halika dun tayo
Since nakilala na niya ito, alam na niyang harmless siya kaya naman hindi na siya umalma. Tutal nagkaron siya ng atraso ng hindi sinasadya kaya may utang sya talaga.
Nang makarating sa upuan..

Aries: Ano nga pa lang name mo?
Maki: (Kabado) Wag nyo na sana akong ibuking sa lahat ng tao. Please. Isa pa hindi ko kasalanan kung hindi man kita kilala.
Aries: Mali ka ng iniisip. I was just asking for your name, don’t worry hindi ko sasabihin sa kanila.

Sa di maipaliwanag na kadahilanan e kung bakit naman ayaw nyang sabihin ang pangalan nya kaya iniba ang usapan.

Maki: …Ah ano kasi e, alam mo ba ung friend ko, fan na fan mo sya. Ah, kung hindi sana nakakahiya, baka pwedeng maka-hingi lang ng isang shot.. Gift ko lang sa kanya.

Aries: (Natatawa) Wala ka pa ngang nagagawa sa kin tapos eto na naman at hihingi ka ng pabor? Miss, baka nakakalimutan mo, ako ang dahilan kaya ka na-abswelto kaya may utang ka sa kin. At isa pa, siguro naman nakikinig ka ng balita na napag-bintangan akong shop lifter dahil sayo.

Nararamdaman ni Maki na umiinit na ang buong mukha nya dahil sa kahihiyan.

Aries: Kung tutuusin dapat kang magpasalamat sa kin pero wala man lang akong narinig at sinisi mo pa ko sa harap ng mga pulis. Tao ka ba ha?

Maki: Huh! Hoy Amerkanong Hilaw ka! Hindi rin naman ako madadawit dun kung hindi dahil sayo kaya wala akong utang no. At isa pa, bakit nyo ko dinala dito, pwede ko ngang ipagsabi na kinidnap mo ko e. Nananahimik ako sa record bar para mabili yung CD ni Andrea tapos dinampot nyo ko ng ganun ganun lang...

Napansin ni Maki na natatawa ang kausap kaya natigilan sya at napapahiya nyang sinabi pero nakataas ang kilay na…

Maki: Baket? Anong nakakatawa dun?

Aries: Sorry miss ha.. Hindi ko mapigilan e. Sa tingin mo sino naman maniniwalang kinidnap kita? Baka kahit sa nanay mo yan sabihin e matatawa lang yun sa’yo.

Na tuluyan ng ikinagalit ni Maki…

Maki: E gago ka pala e. Iyong iyo na yang picture mo. Kahit ipangalandakan mo pa yang mukha mo sa kin e hindi ako mag-aaksaya ng battery ng phone ko para lang dyan. PakSyit!

Walk-out ang drama ng lola mo na animo’y may binitawang linyang ‘mahal mo ba ko dahil kailangan mo ko, o mahal mo ko kaya kailangan mo ko?’ Naks! Claudine ikaw ba yan?! Si Aries, hindi pa rin mapigilang tumawa dahil sa kanya. Kaya habang palayo ang bruha e hindi na nya nagawang habulin ito. Actually, ibibigay lang naman nya yung CD ni Andrea na nakuha nya sa record bar e. At isa pang actually, alam naman ni Aries ang pangalan nya dahil hiningi nya dun sa pulis station. Pati school at address ng bahay nila.


Abangan ang susunod na kabanata...